top of page
.png)
愛心資助毛孩計劃
Monthly Sponsorship Programme
有些孩子流落街頭，朝不保夕，在鄉郊草叢掙扎求存，在城市一隅苟且偷生，每逢大雨或嚴冬，奢求著一絲溫暖；有些孩子被鐵鍊拴在路邊，烈日下，脖子被灼熱的鐵鍊勒得喘不過氣，暴雨天，被黑暗、狂風和閃電嚇得瑟瑟發抖；有些孩子被困在狹小的籠子裏，四肢無法伸展，吃喝拉撒都在其中，與害蟲和病菌同居，終其一生只知身前五丈地，未曾看過藍天和白雲。
有些狗狗是幸運的，獲救後很快找到疼愛自己、伴隨一生的家人，但有更多是不幸的，他們沒有亮麗的外表，擁有的卻是年老，是疾病，是揮之不去的心理陰影。浪浪之家為前者提供暫居之所，協助他們尋找家庭，為後者營造溫暖的家，希望他們能嘗到和煦人間。
然而，機構的力量是微不足道的，我們極之需要社會群眾的援助，才能讓愛延續。我們相信大眾是善良且富有愛心，會為流浪動物心痛流淚，亦不介意施予援手，只是礙於客觀條件無法領養，又不知如何幫忙。我們現時提供「愛心資助毛孩計劃」，善長可以選擇不同方案，隨緣樂助。善款全數用於狗狗的糧食、醫療及訓練開支。我們衷心祈盼你的來訊，讓浪毛孩在您的支持及祝福下，健康快樂過好每一天！
我們的毛孩：
助養1隻
HK$100
100
每 1 個月
Sponsor one dog
幫助1位毛孩每月基本膳食費用及舒適衛生的生活空間
Monthly basic food and hygenic shelter for one dog
助養2隻
HK$200
200
每 1 個月
Sponsor 2 dogs
幫助2位毛孩每月基本膳食費用及舒適衛生的生活空間
Monthly basic food and hygenic shelter for two dogs
助養5隻
HK$500
500
每 1 個月
Sponsor 5 dogs
幫助5位毛孩每月基本膳食費用及舒適衛生的生活空間
Monthly basic food and hygenic shelter for five dogs
助養10隻
HK$1,000
1,000
每 1 個月
Sponsor 10 dogs
幫助10位毛孩每月基本膳食費用及舒適衛生的生活空間
Monthly basic food and hygenic shelter for ten dogs
救救浪浪
HK$800
800
每 1 個月
Heal the dogs
資助治療、化驗、手術、殘疾復健及善終等龐大醫療開支工作
Medical expense (e.g. surgery, rehabilitation, hospice...)
預防疫苗資助計劃
HK$250
250
每 1 個月
Preventive Vaccination Sponsorship Program
資助1位毛孩的預防疫苗費用
Sponsor the cost of preventive vaccinations for 1 dog
 Ali我係浪浪之家出哂名嘅Ali， 不過出名還出名，我都仲未搵到屋企呀！ 我係一隻超級為食嘅小朋友。我真係好驚浪浪之家有朝一日俾我食窮咗，你記得要繼續助養我，千祈唔好俾浪浪之家執笠，唔好俾我餓親呀！ |  威威我係威威，我有今時今日，全靠浪浪之家將我拯救返嚟。我初時後腳好差，連行路嘅力都冇， 而家跑步游水都冇難度啦。 我好叻㗎，憑住高大威猛嘅外表、淡定親人嘅性格，成為咗浪浪之家嘅首席生命教育大使，出席無數個講座，以生命影響生命！ 全靠你嘅資助，令我每次去講座前，都可以打扮一下，多謝你。 |  豬仔我叫豬仔，係浪浪之家最早期嗰一批住客。我好聰明好忠心，最愛黐住April姐姐。 我有時都會幫吓手，入學校入社區，做生命教育大使，係咪好叻呢！ 多謝你嘅資助，令我可以繼續為弱勢毛孩出一分力！ |
|---|---|---|
 維維我係維維，人人讚我係親人親狗、熱情開朗嘅靚女。自出娘胎已經四海為家，直到三個月大先嚟到浪浪之家， April姐姐同義工哥哥姐姐都話我係超級開心果， 會帶畀人好多歡樂， 會令到人好開心，個個都話我好快會搵到新屋企，但係唔知點解，去咗好多次領養日都食白果嘅， 有少少失望...不過我住喺浪浪之家都超開心，如果你可以繼續每月贊助我食雞肉呢，我會笑到四萬咁口，望住你，錫到你暈。 |  熊大我係熊大，細細個就俾浪浪之家救返嚟，因為外表勁可愛，好快就搵到屋企。點知好境不常，我主人將我轉交俾佢朋友看門口，於是就俾人綁喺樹下，足足兩個月，日曬雨淋。好彩浪浪之家發現咗，又再次救返我返嚟，不過就錯過咗黃金搵屋企嘅時間，唯有靜靜咁等落去… |  蛋黃我係鼎鼎大名嘅蛋黃媽媽， 聽講威威係浪浪之家嘅首席生命教育大使 ，咁我就係金牌生命教育大使， 由2019年開始已經幫手宣揚愛護動物嘅訊息。 我其實有個慘痛嘅經歷，當時仲係浪浪嘅我啱啱生咗小朋友，就畀人投訴 ，一家七口俾漁護署捉咗。好彩有義工嚟救我，幾經波折，先嚟到浪浪之家安定落嚟 。我而家喺度生活得好開心，我會繼續努力做好生命教育， 為所有流浪動物發聲！ |
 莎莎我係一隻好特別嘅品種 - 高加索， 我叫莎莎，今年八歲。2023年喺九號風球下，因主人嘅疏忽令我流浪街頭，之後仲棄養我。好彩有浪浪之家收留我。我雖然大隻，但其實好溫馴好親人， 可能身型及年齡嚇怕咗好多人，我一直都未被領養... 我比較大食...又要好多時間同心機打理一身嘅披毛， 要養我開支都好大㗎。求求你資助下我，幫補下浪浪之家嘅開支啦！ |  尾尾我係尾尾，原本俾一個家庭收養咗，因為前主人唔帶我出街，日日困喺屋企，屋企人更加成日打我嚇我。我太驚太驚，唔知可以點做，開始自殘、咬甩自己啲毛，之後浪浪之家將我接走。 我喺呢度住咗幾年，日日同狗友玩。義工哥哥姐姐對我好溫柔，我先至感受到原來人類都唔係咁恐怖。不過我依然好驚陌生人，驚俾人打，俾人鬧，因為傷過痛過，所以我唔敢再對「家人」有期望，都唔敢再打開個心接納新主人。所以我真係好需要你嘅繼續支持，等我安心喺呢個家住落去。 |  花花我叫花花，今年四歲，April姐姐當年幫一個機構暫托我，然後一直照顧到而家。 我只有五個月大嘅時候被車撞到，瞓咗喺路邊花從兩日，直至毛守前線義工救起，取名花花； 可能因為撞過，頭有啲歪，行路會不其然拐彎 ；不過我生命力好強，恢復能力都好高，我而家最鍾意四圍跑同跳嚟跳去，練得一生肌肉！好多謝你嘅支持，令到我哋一班受過傷害嘅毛孩子，有安穩嘅家 |
 車仔我係高大威猛嘅車仔，無改錯名，我真係好鍾意玩撞嚟撞去，有次仲撞傷細妹…好彩有你資助，令我依個鄉下仔有錢，去學校上吓禮儀班，裝備吓自己，學識點樣同人玩、同狗玩，做隻風度翩翩嘅紳士汪！ |  細妹我叫細妹，係2023年油塘 9B 嘅其中一隻。本來已經有屋企㗎喇，不過原來嚟領養我嘅主人，唔係存心要養我…只不過當我係玩具，仲將我轉贈俾人…好彩有義工發現，接我返嚟浪浪之家。 我已經準備好再踏上尋家之路，不過喺等緊嘅時候，好彩有你哋嘅資助，令我可以有零食喫！ |  東仔我叫東仔，好好彩比April姐姐救咗我，仲醫好我！ 如果唔係我應該俾烏蠅蟲搞死咗嚕！同埋感謝有你資助我嘅膳食同藥費，我先可以食到最愛喫嘅雞肉咋。其實我又乖又親人親狗，仲好淡定同安靜，可以成日陪住主人，不過都係嗰句囉，「等又再等為你等又再等始終等你不到」！ 究竟幾時有人領養我呢？依家唯有靠你哋助養住我先啦。 |
 初七媽媽我係初七媽， 其實我細細個已經生咗9個B， April 姐姐都幫佢哋全部搵曬屋企， 個個都開心又幸福。不過我呢係宅女一名，都係留係浪浪之家開心啲。多謝你資助我， 我先可以繼續留喺依度食瞓屙， 同日日用念力祝啲浪浪細路妹都搵到處好人家！ |  貝貝我就係鼎鼎大名嘅貝貝媽媽，令到April姐姐人生起咗翻天覆地嘅變化 -- 成立浪浪之家，致力拯救喺山上面被毒害嘅毛孩！ 希望你都繼續支持我哋嘅工作！ |  秀秀我叫秀秀，細細個已經有小霸王本色，所以人仔細細就要入寄宿學校訓練，阿sir 話我本質係聰明醒目嘅。兩星期就已經脫胎換骨啦，我活潑又精力旺盛，鍾意痴人同狗玩，又識曬基本指令，不過仲未搵到屋企，唯有繼續等啦 ！多謝你資助我，我先有得食同住咋！ |
 小忌廉我係小忌廉，一名高貴嘅淑女， 所以慢熱咗少少少少，但我好乖好鍾意錫人，依家好努力搵緊屋企，希望各位哥哥姐姐請我食零食同咬骨骨，我會加油，搵爸爸媽媽！ |  毛毛我叫毛毛， 我本來有主人㗎，不過主人老了同我一樣係老人家，佢病咗仲住埋院，我唯有走去隔離屋問人攞嘢食。我15歲㗎喇，又有白內障，接近失明，April姐姐唔忍心我喺街邊流連，於是接我返去浪浪之家。 我呢個老人家好簡單易湊，只要有嘢食，我就好滿足。我唔奢望有人會領養我但我好希望你可以助養我，等我喺浪浪之家安享晚年。 |  安安婆婆我係十五歲嘅「安安婆婆」，俾主人遺棄而喺街上流浪，平時靠村民餵食。有日我喺街行得慢，俾車撞到，多謝April姐姐大恩大德， 即刻帶我去睇醫生。咁老撞一撞狗都散，醫生仲診斷出，我除咗外傷、牙齒發炎、腹部同後尾腫脹兼有心絲蟲、肝指數爆表，貧血又牛蜱熱，總之就大大鑊喇... 經過依幾年April姐姐悉心照顧，我嘅病好返啦！我會住喺浪浪之家養老， April姐姐話用愛終止流浪！感謝你哋助養婆婆，行善積德，福有攸歸。 |
 月月我係月月，由細到大都係新界一條村度流浪：喺垃圾堆入面搵野食，係爛地瞓覺，不斷生育，而我嘅小朋友每隻都下落不明。 直至我遇上April 姐姐，佢帶咗我返屋企，當時我仲大緊肚，係浪浪之家生咗6隻小可愛。 佢哋而家全部有屋企喇，而我就仲等緊屋企…我好需要你既零食資助、玩具資助、罐罐資助架！ 多謝你先！ |  小晶晶我係小晶晶，你哋可能少聽到我個名，因為我係最早一批畀 April姐姐救嘅狗狗，喺浪浪之家未成立之前已經住喺度，我算好幸運，喺呢度長大，唔使流浪，又有好多朋友陪伴！多謝你哋善心資助，等浪浪之家可以繼續幫更多嘅毛孩！錫錫！ |  Tin Lok我喺2020年嚟咗浪浪之家，喺度住得好開心。因為之前俾人韞咗喺籠，虐待咗4年，手手腳腳都無得伸展吓，真係好痛苦，所以已經唔敢接觸陌生人。不過你哋嘅資助令我知道，原來除咗照顧我嘅人之外，都仲有好多人疼錫我。 |
 Suey我係SaSa 嘅細妹（唔同胎），我算好彩，當媽咪（喜喜）嚟到浪浪之家嘅時候，我就已經係媽媽肚入面。所以一出世就有大家嘅愛錫，真係好好彩。不過我其實最希望有一個屋企，有自己專屬嘅床、玩具同爸爸媽媽。我仍然係度等緊一個屋企，我相信有你哋嘅祝福，我一定等到㗎！ |  Tiger我就係成日俾人話係巨嬰嘅Tiger！ 四年嚟冇乜見過外邊世界，初嚟報到，所以無論係去陌生環境，定見到唔識嘅人，都會好緊張，最怕最怕人掂曾經受傷嘅屁股！ 好彩有浪浪之家，送我去學習禮儀同減肥，我又變返可愛溫馴嘅Tiger BB喇！ 多謝你資助我， 我要食好多嘢先至飽飽㗎， 食多啲開心啲！ |  Snowy我係Snowy 呀，今年兩歲，同Suey 係同胎姐妹，我哋其他兄弟姊妹細細個就俾人領養咗喇…淨返我哋兩個…兩姐妹出席過無數次嘅領養日，個個都讚我哋㗎，不過仲未搵到合適嘅主人。 當我仍然等緊屋企嘅時候，你哋嘅支持係好緊要㗎！愛你！ |
 Nana我叫Nana，我同我嘅家人本來係新界倉狗，過住日曬雨淋嘅日子，朝不保夕，三餐不繼。好彩浪浪之家收留我哋一家五口！我哋住喺度差唔多三年，而我係最怕人嘅一隻。雖然去完訓練學校，有少少改善，但仍然好怕陌生人。 我性格好驚青又慢熱，一直都搵唔到屋企！ 所以你嘅資助真係好緊要，全靠你哋善心支持，我先至可以繼續住喺娘家，依到好安全，定時定候有飯食，仲有April姐姐同義工哥哥姐姐陪我，不過當然我仍然盼望有新屋企啦。 |  Ruby我係Ruby，大概三個月大嘅時候，就嚟到浪浪之家，妹妹Tuesday好快手就搵到屋企，但係我而家仲係等緊。我活潑開朗又好動，我會好努力去搵爸爸媽媽，多謝你嘅資助，令我唔使流浪街頭。 |  Sa Sa我叫Sa Sa， 2022年同媽咪喜喜嚟到浪浪之家，細細個因為眼睫毛倒生, 拮到好辛苦, 要做眼皮手術， 聽講做完呢個手術, 唔單止可以改善拮眼問題, 兩隻眼都會大咗， 你地覺唔覺呀? 媽咪已經有新屋企喇。唔知幾時先到我呢？ 好好彩有你哋嘅資助，令我有足夠嘅伙食，邊食邊等，等屬於我嘅屋企！ |
 我係浪浪之家年紀最大嘅長者QQ，今年17歲喇，我最鍾意食同去街街！！我好叻㗎，前年做完腫瘤切除手術，而家仲行得走得！April姐姐應承趁我仲精靈，會帶我出多啲街，見識下個世界（十幾年嚟，我都冇乜出過街）... 年紀大，醫療開支都唔少，希望你哋資助下我啦！ |  Mary我而家係肥嘟嘟又為食可愛嘅瑪莉，我係浪浪之家嘅訓導主任。初初嚟到，我瘦到見骨，全身爛肉，心臟血管住咗好恐怖嘅心絲蟲，要做好多好多次嘅治療， 全靠April姐姐日日夜夜不離不棄咁照顧我，同各位善長一直以來對我嘅關愛，終於好返曬啦！而家每日都活得好開心， 食得好興奮， 行步路都充滿自信， 全靠你哋嘅資助， 我唔使再好天曬落雨淋，又冇啖好食，終於安安樂樂有個家，而家都變得人見人愛啦。 |  Lucky我喺白雪雪嘅 Lucky呀！因為被男主人虐打，令我好驚男人。之前所有義工哥哥一嚟，我就跑走㗎喇。不過好彩個個義工都好有愛心，我都開始接受大家嘅愛喇。我啱啱嚟浪浪之家嘅時候，好瘦好瘦㗎，成日匿埋一角。好彩依度好食好住，我都肥返好多喇。多謝你哋嘅資助，我一定會繼續加油，希望有一日可以搵到自己嘅屋企！ |
 Hehe我係浪浪之家眾多毛孩子入邊，最愛April 姐姐嘅柴犬Hehe 。 點解？因為「咬者愛也」嘛，我好幾次都狠狠地咬傷佢，有一次甚至傷及神經線, 造成永久後遺症…我知我做錯，但曾經被前主人囚禁九年嘅我，唔識點樣控制情緒…為咗教好我，April姐姐請過Trainer，又試過俾我入寄宿學校，不過有啲壞習慣真係好難改，所以依家佢長期陪住我，希望慢慢感化我。 多謝你哋助養我，令我呢個有行為問題嘅小朋友，可以留喺呢個唔會俾人嫌棄嘅安樂窩。 |  Happy兩年前浪浪之家差啲火燭， 當時就係我 Happy仔好機警咁先跳窗， 再跳過好高嘅圍欄去通知姐姐有意外發生 ，咁先保得住咁多位朋友仔同埋浪浪之家， 我咁醒目係咪抵讚 ，抵請食零食先？ |  Eason我係 Eason ，喺六個月大嘅時候畀車撞傷，出院後去到 April姐姐度休養 ，估唔到成個休養期超過18個月。 初頭嘅兩個月我除咗食飯、去便便，基本上所有時間都是瞓喺度 ，我好似個木偶咁唔叫唔玩唔笑唔走動，就好似一件擺設品咁 ，靜靜地存在... 我過去嘅創傷講唔出，都冇人知。但我知道我嘅家係浪浪之家 ，我可以喺呢度好安心咁生活落去， 感恩願意助讓我！ |
 B 仔我叫B仔，今年兩歲半，2023年一個夜晚，主人用一條繩，將我綁在燈柱下面，然後施施然離開，留低我一個面對無邊黑暗。喺我徬徨嘅時候，俾善心人發現咗，仲聯絡浪浪之家將我救走。我喺浪浪之家有好多野食， 仲有大床瞓， 仲有好多好多嘅愛 …有你哋嘅支援，浪浪之家先可以幫到好似我呢啲被主人離棄嘅小朋友！ |  Aloo3我係浪浪之家明星 Ali 既巴打 Aloo， “A” 字頭既小朋友，得返我同Ali 未有屋企…不過都唔緊要既, 我地係浪浪之家生活得好開心，日日同朋友仔玩到癲！ 多謝你既資助，支持浪浪之家繼續養到我地呢班長期係度等屋企既小朋友肥肥白白！ 愛你！ |
bottom of page