《她/他和牠的故事》(四)~命中注定的遇見❤️@堆田區 「小新」

領養原因：

12月9日浪浪之家响錦繡花園市中心舉辦領養日，雖然我哋本身已經透過🐶義工成功領養一粒唐🐶B，但我同先生本身無去過領養日，所以打算去參觀一吓領養日。去到場地見到好多可愛乖孩嘅毛孩。在衆多毛孩响圍欄裡面，其中一粒頸上帶住一個小bowtie..呆萌咁企响圍欄裡面。經義工介紹吓呢粒可愛小毛孩係响堆田區救出，名字係小新。

我同先生只係用咗大概短短十五至三十分鐘時間同小新交流，但小新俾我哋嘅感覺好似我哋已經識咗佢好耐咁，所以同先生商量後決定申請領養。幸運哋我哋成功領養到小新。

領養後感受：

小新响12月30日正式成為我哋家嘅一份子。小新一開始時需要適應新環境外，仲要適應新屋企係一個多貓狗家庭（本身係四貓一狗）所以對於四個月大嘅小新係一個挑戰。慶幸嘅係小新係一粒活潑開朗親人親毛孩嘅毛孩🤭所以好快適應到。

好多謝兩位幫忙照顧未有家嘅小新嘅暫託家庭，多謝您哋教得小新好好，識聽指令，親人，識得同其他毛孩相處。依家每日都會見到屋企嘅毛孩有唔一樣嘅互動，雖然間中會打鬧及合力頑皮加倒蛋，但...見到佢哋開開心心健康成長就滿足🥰

———

堆填區內還有很多毛孩等待救援, 請支持領養代替購買

龐大的堆填區, 細小的你竟被善心司機發現! 天使之手向你展開, 終結流浪命運。為你取名”小新” 從此邁向新的一天!