《她/他和牠的故事》(二) 受重傷被場主遺棄嘅雄仔

致想增添家庭成員嘅主人們

主人領養後感：

當初打從心底有個領養既衝動, 心想：有位細佬/妹要接返屋企啦, 而踏上了領養之路。 問咗好幾間領養中心, 直至遇上浪浪之家, 收到佢哋第一句回覆之後就知道- 細佬/妹就係呢度等緊我啦！

April好helpful, 幫我本身養開隻唐唐(朱古力) 做配對。第一眼見到pepper（雄仔）後就已經好想接佢返去。 當然有很多擔憂, 始終我比較瘦, 怕體力上handle唔到。一個人同時要train 兩隻狗又做唔做到呢。最後拋開一切, 一鼓作氣就帶咗佢返屋企。

開頭兩三個月磨合期都困難重重, 但感恩響需要幫助嘅時候, 就會有人伸出援手！ 不少街坊知道我領養後都為我打氣, 送床仔( thank you Mochi 主人) , 送圍欄+玩具(thank you Ginger 主人) 。pepper第一次落狗公園, 狗主們為自己狗仔上繩打開大門歡迎pepper。 其中一位狗主(thank you 花花) 甚至主動提出在磨合期拖pepper, 好讓朱古力同pepper可以早啲適應 一齊行街。 一切都好窩心。

當然磨合期間小不免兩兄弟會有令人崩潰既衝突而產生放棄嘅念頭。 始終揣測唔到佢哋打交嘅原因, 好氣餒。 幸好, 身邊有位好好嘅朋友(biggest shout out to B小姐) 佢幫我同兩個小朋友透過寵物傳心了解返打交嘅原因。 之後朱古力pepper同我都作出了相對嘅調整, 之後 一切都順暢起來了！

整個過程 都讓我了解到其實不單單係要具備 有效教狗狗嘅方法, 寵物傳心都讓我更加明白到每一隻狗仔都係一個獨立個體, 同小朋友一樣都有唔同嘅諗法 作為人類 都需要諒解同尊重。

領養 雖然 充滿挑戰性, 但都為人生增添了歷練及色彩。

Ps. 多謝浪浪之家, 多謝 april 咁忙都聽我電話！