《她/他和牠的故事》(一) 被綁室外飼養的棄養犬Momo

致還未走出傷痛的主人們:

領養原因：

上年年中我地養嘅12歲狼狗Max因急病突然離開我哋，一時之間我地都未接受到，每日返屋企都覺得好難受。過左一段時間，我地覺得需要move on，縱然不捨同難過，我地希望將我哋對max 嘅愛放落一啲同樣值得被愛嘅狗狗身上，亦都希望從狗狗到得到愛，去治癒我哋嘅傷痛。機緣巧合之下，我地係浪浪之家嘅post 認識到April，了解過後 ，佢介紹左個陣啱啱接返黎7個月大嘅大頭Momo (宜家叫Noddy)比我地，第一次到foster home見面，Noddy完全唔驚，好熱情好中意人，好似識我地咁， 於是我哋即日就決定領養。

領養後感：

因為我地未試過由幾個月大開始養 ，一開始都會有少少驚handle唔到， 但Noddy真係好乖好易湊。佢比我地預期中定好多， 一入屋冇耐已經完全適應，好似知道呢度係佢屋企咁，性格超好，亦都冇行為問題，每日都擺出佢天生嘅搞笑樣出嚟令到我哋笑，所以其實我地真係好感恩，能夠遇上一隻天使狗狗，俾unconditional love 我哋，亦都多謝浪浪之家，俾一個機會我地去愛Noddy。我哋從來都唔覺得我哋拯救左Noddy，相反，係Noddy救左我哋，希望大家可以領養代替購買，用生命影響生命。

Noddy主人